ബിജു മേനോനെ നായകനാക്കി മേപ്പടിയാൻ എന്ന ചിത്രത്തിന് ശേഷം ദേശീയ അവാർഡ് ജേതാവ് കൂടിയായ വിഷ്ണു മോഹൻ സംവിധാനം ചെയ്യുന്ന രണ്ടാമത്തെ ചിത്രത്തിന്റെ പേര് പ്രഖ്യാപിച്ചു.“കഥ ഇന്നുവരെ”.
ബിജു മേനോന്റെ നായികയായി, പ്രശസ്ത നർത്തകിയായ മേതിൽ ദേവിക അഭിനയിക്കുന്നു. ചെറുപ്പം മുതൽ സിനിമയിലേക്ക് ഒരുപാട് അവസരങ്ങൾ തേടിയെത്തിയെങ്കിലും ആദ്യമായിട്ടാണ് മേതിൽ ദേവിക ഒരു സിനിമയിൽ അഭിനയിക്കുന്നത്.
സംവിധായകൻ തന്റെ ഒഫീഷ്യൽ ഇൻസ്റ്റാഗ്രാം പേജിൽ ഇങ്ങനെ കുറിച്ചു;
“മേപ്പാടിയൻ” വിജയിച്ചതിന് ശേഷം എന്റെ അടുത്ത “കഥ ഇന്ന് വരെ ” പ്രഖ്യാപിക്കുന്നതിൽ ഞാൻ ത്രില്ലിലാണ്. മലയാളം ഇൻഡസ്‌ട്രിയിലെ പ്രതിഭാധനരായ വ്യക്തികളുമായി സഹകരിച്ച് പ്രവർത്തിക്കാനും കഴിവുള്ള മേതിൽ ദേവികയെ പരിചയപ്പെടുത്താനും കഴിഞ്ഞതിൽ സന്തോഷമുണ്ട്. എന്റെ വിഷ്ണുമോഹൻ സ്റ്റോറീസ് ബാനറുമായുള്ള നിർമ്മാണ പങ്കാളിത്തത്തിന് പ്ലാൻ ജെ സ്റ്റുഡിയോസിനും ഇമാജിൻ സിനിമാസിനും ഞാൻ നന്ദിയുള്ളവനാണ്. #മേപ്പാടിയനുമായുള്ള നിങ്ങളുടെ സ്നേഹത്തിനും പിന്തുണയ്ക്കും നന്ദി, എന്റെ പുതിയ സിനിമയ്ക്കും അതേ ആവേശം പ്രതീക്ഷിക്കുന്നു!🥰😊✨🙏🏼
ആലപ്പുഴ, കുമളി, തിരുവനന്തപുരം, പാലക്കാട് എന്നിവിടങ്ങളിലായി ഷൂട്ടിംഗ് പുരോഗമിക്കുന്ന ഈ ചിത്രത്തിൽ അനു മോഹൻ,നിഖില വിമൽ, ഹക്കീം ഷാജഹാൻ, അനുശ്രീ, സിദ്ധിഖ്, രഞ്ജി പണിക്കർ തുടങ്ങിയ പ്രമുഖരും അഭിനയിക്കുന്നു.
ജോമോൻ ടി ജോൺ ഷമീർ മുഹമ്മദ് എന്നിവരുടെ പ്ലാൻ ജെ സ്റ്റുഡിയോസും, വിഷ്ണു മോഹന്റെ വിഷ്ണു മോഹൻ സ്റ്റോറീസും ചേർന്നാണ് “കഥ ഇന്നുവരെ” നിർമ്മിക്കുന്നത്. ഹാരിസ് ദേശം, അനീഷ് പിബി എന്നിവരുടെ ഇമാജിൻ സിനിമാസും നിർമ്മാണ പങ്കാളികളാണ്.
ഛായാഗ്രഹണം-ജോമോൻ ടി ജോൺ,സംഗീതം-അശ്വിൻ ആര്യൻ,എഡിറ്റിംഗ്-ഷമീർ മുഹമ്മദ്,പ്രൊഡക്ഷൻ കൺട്രോളർ-റിന്നി ദിവാകർ,
പ്രൊഡക്ഷൻ ഡിസൈനർ-സുഭാഷ് കരുൺ,കോസ്റ്റ്യൂംസ്- ഇർഷാദ് ചെറുകുന്ന്,മേക്കപ്പ്-സുധി സുരേന്ദ്രൻ, പ്രോജക്ട് ഡിസൈനർ വിപിൻ കുമാർ,സൗണ്ട് ഡിസൈൻ-ടോണി ബാബു,സ്റ്റിൽസ്- അമൽ ജെയിംസ്, ഡിസൈൻസ്-ആനന്ദ് രാജേന്ദ്രൻ,പ്രൊമോഷൻസ്-10ജി മീഡിയ,പി ആർ ഒ- എ എസ് ദിനേശ്.