തനി നാടൻ വേഷങ്ങളിലൂടെ മലയാളികളുടെ മനസ്സിൽ ഇടംനേടിയ താരമാണ് നിമിഷ സജയൻ. നടിയുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് സമൂഹമാധ്യമങ്ങളിൽ വൈറലായിരിക്കുന്നത്.
(Image: Nimisha Sajayan/ instagram)
മഞ്ഞ ബോർഡറുള്ള സാരിയും ചുവന്ന ബ്ലൗസിലുമാണ് ചിത്രത്തിൽ നിമിഷ പ്രത്യക്ഷപ്പെടുന്നത്. ഗ്ലാമറസ് ലുക്കിലാണ് ഇൻസ്റ്റയിൽ പോസ്റ്റ് ചെയ്ത ചിത്രങ്ങൾ.
(Image: Nimisha Sajayan/ instagram)
ദിലീഷ് പോത്തന്റെ തൊണ്ടിമുതലും ദൃക്സാക്ഷിയും എന്ന ചിത്രത്തിലൂടെയെത്തി പ്രേക്ഷകരുടെ മനംകവർന്ന നടിയാണ് നിമിഷ സജയൻ.അഭിനയപ്രാധാന്യമുള്ള നിരവധി വേഷങ്ങൾ പിന്നീട് താരം ചെയ്തു. ദ ഗ്രേറ്റ് ഇന്ത്യൻ കിച്ചൻ, ചോല, തുറമുഖം, നായാട്ട് തുടങ്ങിയ സിനിമകളിലെ കഥാപാത്രങ്ങളും ശ്രദ്ധേയമായിരുന്നു.
ഇതരഭാഷാ ചിത്രങ്ങളിൽ ഉൾപ്പടെ നിമിഷ സജയൻ ചുവടുറപ്പിച്ചുകഴിഞ്ഞു. ചുരുങ്ങിയ കാലത്തിനുള്ളിൽ നിരവധി പുരസ്കാരങ്ങളും സ്വന്തമാക്കി കഴിഞ്ഞു. ചോല, കുപ്രസിദ്ധ പയ്യൻ എന്നീ സിനിമകളിലെ അഭിനയത്തിന് മികച്ച നടിക്കുള്ള സംസ്ഥാന സർക്കാർ പുരസ്കാരം നിമിഷയ്ക്കായിരുന്നു.