അനിൽ ലാൽ തിരക്കഥ രചിച്ച് ധ്യാൻ ശ്രീനിവാസൻ കേന്ദ്ര കഥാപാത്രത്തെ അവതരിപ്പിക്കുന്ന ചീനാ ട്രോഫി എന്ന ചിത്രത്തിന്റെ ടീസർ ഇന്ന് പുറത്തു വന്നു.
കെൻകി സിർദോ എന്ന നടിയെയാണ് ഈ ചിത്രത്തിൽ ധ്യാനിനോടൊപ്പം പ്രധാന വേഷത്തിൽ എത്തുന്നത്.ജാഫർ ഇടുക്കി,ജോണി ആന്റണി , ഉഷ, പൊന്നമ്മ ബാബു, സുനിൽ ബാബു, റോയ്, ലിജോ, ആലീസ് പോൾ, എന്നിവരും പ്രധാന വേഷങ്ങളിലെത്തുന്നു.പുതുമുഖം ദേവികാ രമേശാണ് നായിക.
പാടവും, പുഴയുമൊക്കെ നിറഞ്ഞ സാധാരണക്കാർ താമസ്സിക്കുന്ന ഒരു ഗ്രാമത്തിലേക്ക് ഷെങ് എന്ന ഒരു ചൈനാക്കാരി പെൺകുട്ടി കടന്നുവരുന്നു. അന്യ രാജ്യക്കാരിയായ ഒരു പെൺകുട്ടിയുടെ കടന്നുവരവ് ഒരു ഗ്രാമത്തിന്റെ താളം തെറ്റിക്കാൻ പോന്നതായി. എന്നാൽ ഈ പെൺകുട്ടി ഈ നാട്ടുകാരുടെ മനസ്സിലേക്കു സാവധാനം കടന്നുവരുന്ന ഒരു സാഹചര്യവുമുണ്ടായി. നർമ്മമുഹൂർത്തങ്ങളിലൂടെ ഗൗരവമേറിയ ഒരു വിഷയമാണ് ഈ ചിത്രത്തിലൂടെ അവതരിപ്പിക്കുന്നത്.
ഛായാഗ്രഹണം – സന്തോഷ് അണിമ,എഡിറ്റിംഗ് -രഞ്ജൻ എബ്രഹാം,കലാസംവിധാനം – അസീസ് കരുവാരക്കുണ്ട്.’മേക്കപ്പ് – അമൽ ചന്ദ്ര.കോസ്റ്റ്യും – ഡിസൈൻ – ശരണ്യ.ചീഫ് അസ്സോസ്സിയേറ്റ് ഡയറക്ടർ – ഉമേഷ്.എസ്.നായർ.
പ്രൊഡക്ഷൻ മാനേജേഴ്സ് – ആന്റെണി, അതുൽ പ്രൊഡക്ഷൻ കൺട്രോളർ – സനൂപ് മുഹമ്മദ്. പി ആർ ഓ :വാഴൂർ ജോസ്.
പ്രസിഡൻഷ്യൻ മുവീസ് പ്രൈവറ്റ് ലിമിറ്റഡിന്റെ ബാനറിൽ അനൂപ് മോഹൻ, ആഷ്ലി മേരി ജോയ്, ലിജോ ഉലഹന്നൻ എന്നിവർ നിർമ്മിക്കുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായിരിക്കുന്നു. നവംബറിൽ ഈ ചിത്രം പ്രദർശനത്തിനെത്തുന്നു.