ശിവകാർത്തികേയൻ നായകനായി പൊങ്കൽ റിലീസ് ആയി ഒരുങ്ങുന്ന അയലാനിലെ അടുത്ത ഗാനമായ സുരോ സുരോ യുടെ ലിറിക് വീഡിയോ കഴിഞ്ഞ ദിവസം റിലീസ് ആയിരുന്നു. എ ആർ റഹ്മാന്റെ സംഗീതത്തിൽ ഒരുങ്ങിയിരിക്കുന്ന ഗാനം രചിച്ചത് മദൻ കർക്കിയാണ്. മോഹിത് ചൗഹാനും നകുൽ അഭ്യങ്കറും ചേർന്നാണ് ഗാനം ആലപിച്ചിരിക്കുന്നത്.
ആർ രവികുമാർ രചനയും സംവിധാനവും നിർവ്വഹിച്ച് ശിവകാർത്തികേയനെ നായകനാക്കി ഒരു സയൻസ് ഫിക്ഷൻ അന്യഗ്രഹ ചിത്രമാണ് അയലാൻ. ഒരു അന്യഗ്രഹജീവി ഭൂമിയിൽ എത്തുകയും ഒരു കൂട്ടം മനുഷ്യരുമായി സൗഹൃദം സ്ഥാപിക്കുകയും അയാൾക്ക് ശേഷം ശത്രുതയുള്ള ഒരു കൂട്ടം ശാസ്ത്രജ്ഞരെ തടയാൻ സഹായിക്കുകയും ചെയ്യുന്നു.
രാകുൽ പ്രീത് സിംഗ്, ശരദ് കേൽക്കർ, ഇഷ കോപ്പിക്കർ, തുടങ്ങി നിരവധി പേർക്കൊപ്പം ശിവകാർത്തികേയൻ പ്രധാന വേഷത്തിൽ അഭിനയിച്ച അയലാൻ 2024 ജനുവരി 12-ന് പൊങ്കൽ ഉത്സവ വേളയിൽ തിയേറ്ററുകളിൽ റിലീസ് ചെയ്യും.